Kasano ti Agdownload iti Online Video?

Ni mc rasing

Kurang ti panagaramat iti Internet no dika agbuya iti online videos. Naglatak ita ti YouTube, Vimeo, ken ti Facebook Videos. No dimo nabuya ti paboritom a teleserye, sapulem iti YouTube, adda ‘diay! Dagiti laban iti boksing iti kallabes a lawas, bulan, wenno tawtawen, makitam sadiay. Dagiti nagkauna a laban ni Pacman, mabalin a mabuya iti YouTube.

Siempre, dagiti agtutubo a mahilig iti music, sapulenda laeng dagiti idol-da a banda wenno singer, agkaiwarada sadiay–Katy Perry, Eraserheads, One Direction, ken dadduma pay. Adda met dagiti makunkuna a “cover musicians”–isuda man dagidiay nagaget nga agtokar iti kanta ti sabali a musician, ngem ikkanda iti bukodda nga areglo ken istilo.

Continue reading »

Dagiti Website a Pagsukisokan Para iti Thesis wenno Research Paper

ni mc rasing

Paset ti biag dagiti estudiante ti panagsukisok wenno panagresearch. Adda term paper, reaction paper, ken ti pagbutbutngan ti adu–ti thesis project!

Idi addaak iti kolehio, kanayonak idiay Main Library ti UP Diliman. Nagngangato dagiti shelf a napno iti libro. Makaay-ayo ti maturog… este, agsukisok ken agbasa, gayam. Ti narigat idi, masapulmi pay a sapulen dagiti libro babaen iti library cards. Sakbay a naggraduarak, imbag ta mabalinen ti agsukisok iti libro iti online databas ti library.

Nalaklaka itan ti agsukisok. No siak siguro ti kolehio ita, uray no saanakon a mapmapan iti library, kabaelak ti agsurat iti term paper wenno ania man nga assignment nga ited ti propesorko.

Continue reading »

Siled ti Kararag: Tulong kadagiti Riribuk

Ni Susie Hoffman ti Ohio

Basaentayo ti Mateo 11:28-30

“Umaykayo kaniak, dakayo amin a nabannog ken madagdagsenan, ket paginanaenkayo.” – Mateo 11:28

Ay-aywanak dagiti nataengan a nagannak kaniak a kas kaaduan iti henerasionko. Bukodak ti responsibilidad ken ni nanangko gapu ta adda ti kagsatko a lalaki iti sabali a lugar. Aramidek amin a kabaelak tapno maipaay amin a kasapulanna babaen iti panagtrabahok a nasayaat. Narigrigat ti situasion gapu ta saan a nasayaat ti relasionmi nga agina, ngem ammok a ti panangaywan kenkuana ti maiparbeng nga aramidek. Kayatko a padayawan isuna babaen ti panagaramidko agingga iti kabaelak ngem kaaduanna, maapektarannak. Adda ti pamiliak nga aywanak pay. Adda pakaseknak iti salun-atko ken panangtratarko iti bagik. Kitaek amin a kayatko a maileppas, ken saanko ammo no sadino ti pangirugiak.

Continue reading »

Ne Ania Met ti Podcast?

ni mc rasing

No dagiti inna nga agtagibalay wenno dagiti amma nga agtaltalon ti saludsodem no agdengdengngegda iti AM radio, nalabit “wen!” ti isungbatda.

Ngem no dagiti estudiante wenno agtutubo ti saludsodem, amangan no katawaandaka. Kasano ngamin, masansan nga FM stations ti denggenda wenno saan, ag-download-da lattan iti mp3 manipud iti Internet. No kayatmo ti agdengngeg lattan iti kankanta ni Taylor Swift, wenno ni Shakira, wenno Michael Buble, mabalin latta!

Malagipko la ketdi idi siak ti teenager ken kadisdiskubrek laeng iti FM station. Uray la irekordko dagitay kankanta a magustoak tapno mapatugtogko a kanayon.

Nupay adda istasion ti FM ti kaaduan a selpon ita, adu dagiti baro a programa a mabalin a mangngegan online. Timmaud dagiti aw-awagan ita iti podcast ken adda met dagiti Internet Radio.

Continue reading »