Makikappia a Dagus

Ni Tom Hite (Virginia)

BASAEN Mateo 5:21-25
Agkuyog kadi ti dua a tao no dida agtulag nga umuna? — Amos 3:3

Sakbay nga agtarayak, magnaak pay tapno mawatwatak. Naminsan, bayat ti pannagnak, adda bassit a bato a simrek iti uneg ti sapatosko. Idi damo, diak ikaskaso, ngem kasla dumakdakkel ti bato. Idi saanakon a makaibtur, nagsardengak ket inikkatko ti bassit a bato iti uneg ti sapatosko. Kinunak iti bagik, Apay nga inurayko pay a diak maibturan ti sakitna sakbay nga inikkatko ti bato?

Daytoy ti nangipalagip kaniak maipapan iti pammagbaga ni Jesus iti Mateo 5:25a “No adda mangidarum kenka makiaregloka nga umuna kenkuana sakbay a mayuli ti darum.” Saanen a mabaliwan ti aniaman a napasamak kadatayo ken dagiti gagayyemtayo a nangted iti parikut kadatayo. Ad-adda a dumakkel ken dumakes daytoy no ipalubostayo. Ngem no dagusentayo ti maki-linnawag ken makikappia, maispaltayo dagiti bagbagitayo iti saan a maiparbeng a panagsagaba.

KAPANUNOTAN
Agkiddawtayo man ti pammakawan, wenno mamakawan, ti Dios ket maragsakan.

Kararag: Patgenmi nga Apo, itdem kadakam ti sirib ken tarigagay nga agkiddaw a dagus iti pammakawan. Iti nagan ni Jesus, ikararagmi. Amen.

Ikararagan: Siasinoman nga agiduldulin ti gura.

* * * * *

Naadaw iti Siled ti Kararag: Taray iti Inaldaw a Panagdebosion. Impablaak ti Discipleship Resources-Philippines. Para iti kopia daytoy a tarabay iti panagdebosion, ag-email iti drphilippines@gmail.com