News from #Ammungan2017 Festival

Let us congratulate our friends from Nueva Vizcaya after they successfully held their 2017 Ammungan Festival. I saw some of the posts on Social Media and it was a blast!!

In the aftermath of #Ammungan2017 festival, here are a few news items:

PRC Licensing services, naited ti Ammungan Festival

by Ben Moses Ebreo

BAYOMBONG, Nueva Vizcaya, May 26 (PIA) – Nangted ti Philippine Regulations Commission (PRC) iti licensing services itay kallabes laeng kas paset ti panangrambak ti Grand Ammungan Festival.

Ti nasao nga PRC licensing ken naangay sadiay provincial capitol tapno iproseso dagiti renewal ken baro nga application dagiti professional nga agkasapulan kadagitoy.

Daytoy a programa ket tinawen nga ipapaay ti provincial government ken PRC tapno maiyasideg iti nasao nga serbisyo ken saanen a marigatan dagiti agkasapulan kadagitoy.

“Daytoy a serbisyo ket ipaay tayo kadagiti Novo Vizcayanos tapno saandan a marigatan nga mangala kadagiti lisensiada ,”kinuna ni Maybelle Dumlao-Sevillena, provincial administrator ken director-general ti festival. (BME/PIA 2-Nueva Vizcaya)

Originally published at http://news.pia.gov.ph/article/view/491495755101/-ilocano-news-prc-licensing-services-naited-ti-ammungan-festival

Produkto ti Vizcaya, naiparang ti ‘Ammungan’ Festival

Gandat ti nasao nga agri-trade fair a matulungan dagiti negosyante nga makalako kadagiti produktoda.

Sigun kenni Maybelle Dumlao-Sevillena, provincial administrator ken director- general ti 9th Grand Ammungan Festival , ti nasao nga oportuniad ket sagut kadagiti local entrepreneurs wenno negosyante ti probinsia tapno maipakita dagiti partuatda a produkto ket mailakoda dagitoy.

“Nakatulong tayo kadagiti Novo Vizcayano entrepreneurs gapu iti daytoy gapu ta idi npalpalabas nga festivals, dagiti gangannaet nga negosyante dagiti nakalako gapu ta isuda ti nang-nangruna nga naikkan pwesto ditoy kapitolyo,” kinuna ni Sevillena.

Mangnamnama ni Sevillena nga babaen iti daytoy nga oportunidad, naikkan ti umun-una nga marketing dagiti negosyante ti Nueva Vizcaya ket makailako dagitoy ti umno a produktoda. (BME/PIA 2-Nueva Vizcaya)

Originally published at: http://news.pia.gov.ph/article/view/491495755526/ilocano-news-produkto-ti-vizcaya-naiparang-ti-ammungan-festival

Balikbayan ken OFWs naikkan aldaw ti Ammungan Festival

BAYOMBONG, Nueva Vizcaya, May 23 (PIA) – Naikkan ti aldaw nga liwliwa dagiti Overseas Foreign Workers ken dagiti balikbayan ti daytoy nga probinsia itay kallabes a panangrambak ti Grand Ammungan Festival ti probinsia.

Sigun kenni Maybelle Blossom Dmlao-Sevillena, provincial administrator ken irector general ti Grand Ammungan Festival, dagiti OFWs ken balikbayan nga Novo Vizcayanos ket nagdidinnanggay idi Mayo 23 sadiay Convention Center ket napatibker ken naglilinannangen dagitoy kas taga Nueva Vizcaya.

“Maysa daytoy nga napateg nga aldaw tapno naikkan panawen dagiti OFWs ken Balikbayan nga agiinnammu iti panangrambak tayo ti Ammungan Festival. Isu daytoy ti napateg nga panaglilinnangen tapno agtultuloy ti dinnanggay ken panagtitinnulong tayo a padapada,” kinuna ti Sevillena.

Gandat ti nasao nga festival a patibkeren iti panagmay-maysa dagiti Novo Vizcayanos ditoy probinsia ken sadiay ballasiw-taaw.

Ti Festival ket tinawen nga maar-armid ditoy Nueva Vizcaya tapno rambakan dagiti nagapuanan ken lagipen ti pannakabuangay ti civll government manipud iti Espanya. (BME/PIA 2-Nueva Vizcaya)

Originally published at: http://news.pia.gov.ph/article/view/491495754670/ilocano-news-balikbayan-ken-ofws-naikkan-aldaw-ti-ammungan-festival