Panagkararag, Panagsepilio, Panagwatwat, ken Panagbasa

Ni Charmaine Joy P. Sebastian

Panagkararag
Oras ti alas singko
Isut’ iririingko
Panagdayaw ken ni Apo
Panangirugik iti aldawko.

Panagsepilio
Panagsepilio
Agmalem, mamitlo
Sang-aw, nabanglo
Nakaprespresko.

Panagwatwat
Innak agehersisio
Watwatek tultulangko
Ngamin ti salun-atko
Isu ti kinabaknangko.

Panagbasa
Panagbasak, igaedko
Tapno magun-odko
Ti nangato a grado
Ragsak dagiti dadakkelko.

Naipablaak iti Bannawag Magazine, Agosto 18, 2014 a bilang.